மின்சாரம் கசிந்ததாக வதந்தி: மும்பை ரயில்வே நிலையத்தில் நெரிசல்;15 பேர் பலி

மும்பை:
மும்பை ரயில்வே நிலையத்தில் மின்சாரம் கசிந்ததாக வதந்தி
பரவியதால் மக்கள் ஓட முயன்ற போது ஏற்பட்ட நெரிசலில்
சிக்கி 15 பேர் பலியாயினர். 20 பேர் காயமுற்றனர்.

சம்பவ இடத்தில் மீட்பு படையினர் பயணிகளை மீட்கும்
பணியில் ஈடுபட்டுள்ளனர். இச்சம்பவம் பெரும் சோகத்தை
ஏற்படுத்தியுள்ளது.

மும்பையின் எல்பின்ஸ்டோன் புறநகர் ரயில் நிலையம் உள்ளது.
இங்குள்ள நடைபாதை மேம்பாலத்தில் மக்கள் நடந்து சென்ற
போது, மின்கசிவு ஏற்பட்டதாக வதந்தி பரவியது.

இதனையடுத்து அங்கு மக்கள் ஓட முயன்றதால் நெரிசல்
ஏற்பட்டது. அப்போது ஏற்பட்ட தள்ளுமுள்ளுவில் சிக்கி மூச்சு
திணறி 15 பேர் பலியாயினர். மேலும் 20 பேர் காயமடைந்தனர்.
சம்பவ இடத்திற்கு மீட்பு படையினர் விரைந்துள்ளனர்.

பெரும்பாலானவர்கள் பெண்கள் என கூறப்படுகிறது.
காயமுற்றவர்கள் மருத்துவமனையில் சிகிச்சை பெற்று
வருகின்றனர்.

மும்பையில் தொடர்ந்து கனமழை பெய்து வருகிறது.
இந்நேரத்தில் இந்த விபத்து நடந்துள்ளது.
-
-------------------------------
தினமலர்