இன்பார்மர்'களுக்கு பரிசு தொகை அதிகரிப்பு?

புதுடில்லி :
வரி ஏய்ப்பு மற்றும் பினாமி பரிவர்த்தனை குறித்து, நம்பகமான
தகவல் தரும், 'இன்பார்மர்'களுக்கு வழங்கப்படும் பரிசுத்
தொகையை அதிகரிக்கும் விதிமுறைகளை, வருமான
வரித் துறை உருவாக்கவுள்ளது.

கடந்த, 2015ல், மத்திய நேரடி வரிகள் வாரியம் வெளியிட்ட
விதிமுறைப்படி, வரி ஏய்ப்பு மற்றும் பினாமி பரிவர்த்தனை
குறித்த, நம்பகமான தகவலைத் தருவோருக்கு, உடனடி
பரிசுத் தொகையாக, ஒரு லட்சம் ரூபாய் வழங்கப்படுகிறது.

இதன்பின், வசூலிக்கப்படும் வரியில், 10 சதவீத தொகை, பரிசுத்
தொகையாக வழங்கப்படுகிறது. இந்த தொகையை
பெறுவதற்கு, இன்பார்மர்கள் நீண்ட காலம் காத்திருக்க
வேண்டியுள்ளது. சில நேரங்களில், 20 ஆண்டுகள் வரை கூட
காத்திருக்க நேரிடும்.

இந்நிலையில், இவர்களுக்கு வழங்கப்படும் பரிசுத் தொகையை
அதிகரிக்கும் வகையில், புதிய விதிமுறைகளை உருவாக்க,
வருமான வரித் துறை திட்டமிட்டுள்ளது.
-
-----------------------------------------
தினமலர்