திருப்பூரில் உள்ள மூன்று ஓட்டல்களில் 171 சொகுசு அறைகள் தயார்

by Guest Wed Jun 23, 2010 2:58 pm

திருப்பூர்: உலகத் தமிழ்ச் செம்மொழி மாநாட்டுக்கு வரும் எம்.எல்.ஏ.,க்கள் தங்க வசதியாக, திருப்பூரில் உள்ள மூன்று ஓட்டல்களில் 171 சொகுசு அறைகள் தயார் நிலையில் உள்ளன.
உலகத் தமிழ்ச் செம்மொழி மாநாடு, கோவையில் வரும் 23ம் தேதி துவங்குகிறது. வரும் 27ம் தேதி வரை ஐந்து நாட்கள் நடக்கிறது. மாநாட்டில், தமிழகத்தின் பல்வேறு பகுதிகளில் இருந்தும், உலக நாடுகளில் இருந்தும் தமிழறிஞர்கள் பங்கேற்கின்றனர். மாநாட்டிற்கு வருகை தரும் முக்கியஸ்தர்களுக்கு, தங்குமிடம், குடிநீர், போக்குவரத்து வசதி, உணவு உள்ளிட்ட வசதிகளை வரவேற்பு குழுவினர் சிறப்பாக கவனிக்க உத்தரவிடப்பட்டுள்ளது.
கோவை, திருப்பூர், நீலகிரி மாவட்டங்களில் உள்ள ஓட்டல்கள் இதற்காக பதிவு செய்யப்பட்டுள்ளன. திருப்பூரில் உள்ள ஏஞ்சல் ஓட்டல், வேலன் ஓட்டல் மற்றும் பாப்பீஸ் ஓட்டல் அறைகள் முழுவதும் சிறப்பு விருந்தினர்களுக்காக வரவேற்பு குழுவினரிடம் ஒப்படைக்கப்பட்டுள்ளன.
திருப்பூரில் உள்ள மூன்று ஓட்டல் அறைகளும் எம்.எல்.ஏ.,க்கள் தங்குவதற்காக ஒதுக்கப்பட்டுள்ளன. மாநாட்டுக்கு வரும் எம்.எல்.ஏ.,க்கள், தங்களது சொந்த வாகனங்களில் வருவதால், போக்குவரத்து ஏற்பாடு எளிதாகியுள்ளது. வாகன வசதியில்லாத போது, கார் ஏற்பாடு செய்துகொடுக்கவும் உத்தரவிடப்பட்டுள்ளது.
திருப்பூரில் 70 அறைகளை கொண்ட வேலன் ஓட்டலுக்கு, ஆதி திராவிடர் நல மாவட்ட <அலுவலர் செல்வராஜ், 65 அறைகளை கொண்ட பாப்பீஸ் ஓட்டலுக்கு, பிற்படுத்தப்பட்டோர் நல அலுவலர் துரை, 36 அறைகளை கொண்ட ஏஞ்சல் ஓட்டலுக்கு, திருப்பூர் மாவட்ட கலெக்டரின் நேர்முக உதவியார் (கணக்கு) சுவாமியப்பன் ஆகியோர் வரவேற்பு குழு தலைவர்களாக நியமிக்கப்பட்டுள்ளனர்.
வரவேற்பு பணியை சிறப்புற செய்து கொடுக்க, 15 வேலம்பாளையம் மற்றும் நல்லூர் நகராட்சி பணியாளர்களும் ஈடுபடுத்தப்பட்டுள்ளனர். எம்.எல்.ஏ.,க்கள் இன்று முதல் வரத்துவங்குவர் என்பதால், நேற்று மாலையில் இருந்தே வரவேற்பு குழுவினர் தயார் நிலையில் உள்ளனர்.