நீர்வாழ் பற்றீரியா மூலம் மின்சார உற்பத்தி - அமெரிக்க விஞ்ஞானிகள் கண்டுபிடிப்பு!

பாக்டீரியா நுண்ணுயிரிகள் பயோ பேட்டரிகளாக அதாவது உயிரி மின்கலங்களாக செயல்படக்கூடிய ஒரு கண்டுபிடிப்பின் அருகில் நாம் இருக்கிறோம். நாம் நன்கு அறிந்த நீர்வாழ் பாக்டீரியா ஒன்றின் மின் உற்பத்தி செயல்திறன் பற்றி பிரிட்டன் மற்றும் அமெரிக்காவைச் சேர்ந்த விஞ்ஞானிகள் குழு கண்டறிந்துள்ளது. இந்த பாக்டீரியா தாமாகவே நேரடியாக மின் சக்தியை உற்பத்தி செய்கின்றனவா அல்லது வேறு எதன் உதவி கொண்டு மின் சக்தியைக் உற்பத்தி செய்கின்றனவா என்று நாம் இதுவரை அறியாது இருந்தோம். ஆனால் தற்போதைய கண்டுபிடிப்பின் உதவியால் இந்த பாக்டீரியாவை ஒரு மின்சக்தி ஆதாரமாக நம்மால் பயன்படுத்த முடியும் என்ற சூழ்நிலை உருவாகியுள்ளது. ஷெவனெல்லா ஒனெய்டென்ஸிஸ் என்ற இந்த பாக்டீரியா வகை உலகெங்கும் ஆறுகளிலும் கடல்களிலும் ஏரிகளிலும் காணப்படுகின்றன. கடல்களிலும் ஏரிகளிலும் தாதுப்பொருட்களின் அளவுகளுடைய ஏற்ற இறக்கத்துக்கு இந்த பாக்டீரியா ஒருவகையில் காரணமாக இருக்கிறது என்பதை நாம் ஏற்கனவே அறிந்திருக்கிறோம்.


ஏரி நீரில் இரும்புத் தாது மற்றும் மங்கனீஸ் தாதுவின் அளவு ஏறி இறங்குவதற்கும் இந்த பாக்டீரியாவின் வளர்ச்சி வீதத்துக்கும் இடையில் தொடர்பு இருக்கிறது என்பது நமக்குத் தெரிந்திருந்தாலும், இந்த பாக்டீரியாக்கள் அதனை எவ்வாறு சாத்தியப்படுத்துகின்றன என்று நாம் அறியாமல் இருந்திருந்தோம். ஆனால் இந்த பாக்டீரியாவௌ செயற்கை முறையில் உருவாக்கிய விஞ்ஞானிகள், இந்த உயிரிகள் மின் சக்தியை தமது உடல்களில் உருவாக்குகின்றன என்றும், அந்த சக்தியின் விளைவாகத்தான் தாதுப் படுக்கையில் இரசாயன மாற்றம் ஏற்பட்டு தாது அளவுகளில் ஏற்ற இறக்கம் ஏற்படுகிறது என தற்போது கண்டுபிடித்துள்ளனர். ஆகவே அந்த பாக்டீரியாக்கள் உருவாக்கும் மின் சக்தியை நாம் பயன்படுத்திக்கொள்ளவும் வழி பிறந்துள்ளது என்று இந்த ஆராய்ச்சியை வழிநடத்திய கிழக்கு ஆங்லியா பல்கலைக்கழகத்தில் உயிரி சார் அறிவியல் துறையில் பேராசியராக இருக்கும் டாக்டர் டாம் கிளார்க் தெரிவித்துள்ளார். இவர்களுடைய கண்டுபிடிப்பின் முடிவுகள் புரொசீடிங்ஸ் ஆப் த நேஷனல் அகாடமி ஆப் சயின்சஸ் என்ற அறிவியல் சஞ்சிகையில் வெளியாகியுள்ளன.


நன்றி:http://www.seithy.com/

அட இது நல்லா இருக்கே !