ஆலின் விதை நீ ..அடங்கி விடாதே...இன்போ.அம்பிகா

ஆலின் விதை நீ ..அடங்கி விடாதே...
வேலின் வைரம்… நீ வீழ்ந்து விடாதே..
ஆகாயம் பிளந்து தமிழை விதைத்து விடு.
விண்ணில் தமிழ் கவிதை எழுதி விடு..!

மனித நேயமது தமிழாய் மலரட்டும் ....இதய
மலர்கள் யாவும் தமிழாய் மணக்கட்டும்
தமிழன் என்றவுடன் தரணியும் வணங்கட்டும்
தன்மானச் சிங்கமென சரித்திரம் புகழட்டும்...!

தமிழின வரலாறு தமிழா.. நீ மறக்காதே...
தன்மானம் கொன்றே உன்னை நீ இழக்காதே..
சித்தங்கள் முழுவதும் செந்தமிழ் நிறையட்டும் ..
சிரித்தங்கே தமிழினம் சிறப்போடு வாழட்டும்...!

பாவப்பட்டு பழிபட்டு மானம்கெட்டு மதிகெட்டு
மற்றோர் மொழி கற்று மாற்றாரிடம் நீ தோற்று
ஈனப்பட்டு இனம் கெட்டு போவது சரியா ...?
இப்போதே தொடங்கு நீ இனிய தமிழ் பரப்பு...!

ஏனடா வடமொழி ?
எரியூட்டும் விடமொழி..?
சொல்லடா நீ தமிழ்மொழி...!
உன் சொற்கள் அது அமுதினி....!!

விளையட்டும் விண்முட்ட வீரத் தமிழ்.......
வீசிடும் காற்றுமினி விளம்பட்டும் தமிழ் ..
விடிகதிரும் குளிர்நிலவும் கூறட்டும் தமிழ்..
வாழ்க தமிழ் ...வெல்க தமிழ்.... வளர்க தமிழ்..இன்போ.அம்பிகா

மனித நேயமது தமிழாய் மலரட்டும் ....இதய
மலர்கள் யாவும் தமிழாய் மணக்கட்டும்

தரணி யெங்கும் பரவட்டும் தங்கள் கவிதையின் புகழ்... பாராட்டுகள்

தமிழின வரலாறு தமிழா.. நீ மறக்காதே...
தன்மானம் கொன்றே உன்னை நீ இழக்காதே..
சித்தங்கள் முழுவதும் செந்தமிழ் நிறையட்டும் ..
சிரித்தங்கே தமிழினம் சிறப்போடு வாழட்டும்...!

தாய் மொழியின் சிறப்பை சொல்லவும் வேண்டுமா?
மிகவும் அருமை சகோதரி தங்கள் கவிதை

மிகவும் அருமை தங்கள் கவிதை!