படித்ததில் பிடித்தது...

தாய்!
ஒருகவளம் சோறும், ஒருகுவளை நீரும்
தருபவரெல் லாமெனக்குத் தாய்!
அடக்கமில் லாமல் அதிர நடந்தால்
தடுக்கிடும் கல்லுமென் தாய்!
முலைப்பால் கொடுத்தென் முகத்தையும் சேலைத்
தலைப்பால் துடைப்பவள் தாய்
அம்மாநீ எந்தன் அருகிருக்கும் தைரியத்தில்
சும்மா இருத்தல் சுகம்!
பன்னுமாக மத்தாள் பசித்தவர் ஓட்டிலிடும்
அன்னவாக னத்தாள் அவள்.
ஓயா தியங்கி இயக்கத் துறங்குவாள்
மாயா மனோன்மணி தாய்!
எண்ணமும், எண்ணும் மனமும்ஆங் கெண்ணத்தால்
எண்ணப் படுவதும் தாய்.
மூலத் துறங்கி முனைப்பிற் கிளர்ந்தெழுவாள்
கோலக் குமிண்சிரிப் பாள்.
ஸ்ரீபுரத்தாள், மாமதுரைக் கோபுரத்தாள், பண்ணிசைக்கும்
நூபுரத்தாள் நெஞ்சே நினை.
அன்பே சிவம் அதன் ஆன்மா அவள் எனவே
அன்பே அவளேன் றறி!

சு.ரவி

மரணம்
-----------
மரணம் அழகாக தெரிகிறது
மலைகள் என்னை கட்டியணைத்து
முத்தமிட அழைக்கிறது
சுத்தமான காற்றை தந்து
என் உயிர்க் காற்றை கேட்கிறது,
மனது முதல்முறை சாதல் வேண்டுகிறது
இயற்கையோடு இணைத்துக்கொள்ள துடிக்கிறது,
நடக்கிறேன் மரணத்தின் பாதையில்
அழகான தேவதைகள் ஊர்வலத்தோடு,
பரவசம் மரணத்தோடு தொடர்புடையது
என்பதை இப்போது அறிகிறேன், 
தவிர்க முடியாத பந்தங்களிலிருந்து
மரணம் ஒரு விடுதலையாகவே தெரிகிறது!!!

கொதிநிலையில்...
கொதிநிலையில்
குளிர்விக்கத் தேவை
ஒரு சொட்டுக் கண்ணீர்
அல்லது 
ஒரு முன்னுச்சி முத்தமேனும்...

குடி குடியைக்கெடுக்கும்.

குடும்பம் நாசமாய்ப் போனாலும், 
குடித்துக் குடித்து 
நாட்டை வாழ வைக்கும் 
நல்ல குடிமகன்களே...!! 

சாகப் போவது தெரிந்தும் 
சாயந்திர நேரம் வந்ததும் 
சரக்கடிக்க துடிக்கும் 
சரித்திர நாயகர்களே..!! 

கை உதறினால் போதும், 
கையாலாகாமல் 
கை கட்டி வாய்மூடி 
கள்ளுக்கடை வரிசையில் நிற்கும் 
கலாச்சார சிங்கங்களே..!! 

மனைவியின் தாலி விற்று, 
மகளின் எதிர்காலம் அழித்து, 
மனித மிருகமாய் மாறும் 
மிகச் சிறந்த மனிதர்களே..!! 

மது குவளையில் மயங்கி 
மதிகெட்டு போன பின் 
மானம் தொலைத்து 
மரியாதை தொலைத்து வாழும் 
மாண்புமிகு பெரியோர்களே...!! 

சுய சிந்தனை இல்லாமல் 
குடித்துவிட்டு, 
சுய நினைவின்றி 
ஆடை களைந்து 
தெருவில் கூத்தடிக்கும் 
நிகழ்காலக் கோமாளிகளே..!! 

ஒரு பாட்டில் சாராயத்திற்கு 
ஓட்டுப் போட்டு 
ஆண்டுகள் பல 
அடிமையாய் கிடக்கும் 
அறிவு ஜீவிகளே...!! 

எங்கேயோ போய்கொண்டிருக்கும் 
எம தர்மனை 
குடித்துக் குடித்தே 
வம்பிற்கு இழுக்கும் 
விளங்காமல் போனவர்களே..!! 

முட்டாள் மட்டுமே 
முழுமுயற்சி செய்து 
தன்னைத் தானே 
தரம் தாழ்த்தி கொள்கிறான்..!! 
குடிகாரன் பேச்சு விடிஞ்சா போச்சு 
குடித்துக் கொண்டே இருந்தால் 
நின்று விடும் உன் மூச்சு...!!!


முக நூலுக்கு நன்றி!

மலிவாய்ப் போனது ....

வானம் இன்னும் 
கறுத்துத்தான் விரிகிறது...
இருளெனத் துயரும்
பாதையெலாம் நீள்கிறது...
கற்பனைக் மட்டும் தான்
மலிந்துபோய்க் கிடக்கின்றன..!

நிஜங்களுக்கு சிறைவாசம்...!
சரசரப்பும் ஆர்ப்பரிப்பும்
பொய்மைகளும் எஞ்சி,
புழுதியென வாழ்வையெற்றி
படுகுழியில் தள்ளும்...

பகற்கனவில் விழிதிறந்தும்
விழிமூடி வாழுகின்ற 
எம் மயக்கம் அறுப்பதுயார்...?
மாற்றான் வருவானோ
நம் மடமை துடைப்பதற்கு??

தேற்றும் மொழிதேடி
தெருவெல்லாம் திரிந்தாலும்
தூய உள்ளத்தோடு
துணைவருவார் யாருமில்லை..
இப்படி இருக்கையில்
எப்படி நம் இடர் தவிர்ப்பார் பிறர்..?

அன்பின் உயிர்ப்பை,
அழகான புன்னகையை 
எங்களின் தேசம் 
மறந்து தொலைந்துதான் போனது..
அட்டகாசங்களும் பகட்டாரங்களும்
பட்டாடை கட்டி 
பவனி வருகின்றன...

நிஜங்கள் இற்றுப்போன 
எங்கள் வாழ்வியலில்
இன்னும் இன்னும்
ஏமாற்றங்கள் தான்
குடியேறுகின்றன...

வானம் இன்னும் 
கறுத்துத்தான் விரிகிறது...
இருளெனத் துயரும்
பாதையெலாம் நீள்கிறது...
கற்பனைக் மட்டும் தான்
மலிந்துபோய்க் கிடக்கின்றன..!

-கவின்மகள்

ரசிக்கபடவேண்டிய கவிதைகள்

பெருமைக்கு பேசுவதை
குறைத்து கொள்ளுங்கள்
நம் பெருமை எல்லாம்
தமிழ்தான் உரைத்து சொல்லுங்கள்.

   

  

sawmya wrote:கொதிநிலையில்...
கொதிநிலையில்
குளிர்விக்கத் தேவை
ஒரு சொட்டுக் கண்ணீர்
அல்லது 
ஒரு முன்னுச்சி முத்தமேனும்...

சற்று உயிர்ப்புடன் இருக்கிறது. வாழ்த்துக்கள்.

அனைத்தும் அருமை சகோதரி

உணவு மாத்திரை வடிவில்
வரும்காலம் தூரமில்லை

உண்மை உண்மை

........இடர்பாடு.......
----------------------------
என்னையோ !
என் உணர்வுகளையோ !
என் உடமைகளையோ ! 
நீ தீண்டினால் அது உன் உரிமை !!
அதையே !
எனை சூழ்ந்தவரோ வேறு எவரோ,
செய்தால் அது அத்துமீறல் !
பொறுக்காது அவர்செயலை,
மதிக்காத மனம் !
உனக்கானவள் மட்டிலுமே நான் !
என்ற வேட்கைதான்,
வெந்து கங்காகி ஆறும் அடங்காமல் !!

காசு இல்லாதவன் 
மெழுகுவத்தி ஒளியில் உண்கிறான் 
தன் வீட்டில். 

காசு உள்ளவன் விலைகொடுத்து 
காண்டில் லைட் டின்னரில் உண்கிறான் 
நட்சத்திர உணவகத்தில். 

காசு இல்லாதவன் 
வீட்டுக்கு வெளியில்
நட்சத்திரங்கள் கொண்ட வானத்தை பார்த்துக்கொண்டு உறங்குகிறான்.

காசு உள்ளவன் 
வீட்டு விட்டத்தில் 
நட்சத்திர சுவரொட்டிகளை பார்த்துக்கொண்டு உறங்குகிறான். 

காசு இல்லாதவன் 
வயிறை வளர்க்க ஓடி உழைக்கிறான்.

காசு உள்ளவன் 
வயிறை குறைக்க ஓடி களைக்கிறான்.

உழைப்பை கொண்டு சாதிப்பான் 
காசு இல்லாதவன்.

சாதிப்பவனை பணத்தை கொண்டு வாங்குவான் 
காசு உள்ளவன்.

காசு இருந்தாலும் இல்லாவிட்டாலும் நமக்கு கிடைப்பது நிச்சயம் கிடைக்கும்.
 

- முக நூல்