அடேங்கப்பா!! வாருங்கள்... முருங்கை சமையலை ஒரு கை பார்ப்போம்!

by முழுமுதலோன் Tue Jun 18, 2013 7:21 pm

First topic message reminder :

சமையல் குறிப்புகள்--30 வகை முருங்கை சமையல்!

அடேங்கப்பா!! வாருங்கள்... முருங்கை சமையலை ஒரு கை பார்ப்போம்! - Page 2 Aish-wallpaper

சத்துக்கு சத்து... சுவைக்கு சுவை....
30 வகை முருங்கை சமையல்!

''சாம்பார்னா, முருங்கைக்காய் சாம்பார்தான்! என்று ஒட்டுமொத்த தமிழ்நாடும் சப்புக்கொட்டத் தவறுவதில்லை.

சாம்பாருக்கு சுவையூட்டும் முருங்கையில் புரதம், இரும்பு, கால்ஷியம், பொட்டாஷியம், விட்டமின் 'சி' என ஏரளமான சத்துக்கள் அடங்கியிருக்கின்றன. இதில் டிபன், பச்சடி, ஊறுகாய் என கிட்டத்தட்ட எல்லா சமையல் வகைகளையும் சுவையாகச் செய்யலாம்'' என்று குறிப்பிட்டு, அவற்றுக்கான ரெசிபிகளையும் எழுதி அனுப்பி நம்மை வியப்பில் ஆழ்த்தியிருந்தார் சென்னை, புரசைவாக்கத்தைச் சேர்ந்த வாசகி மைதிலி சுந்தரம். அதிலிருந்து 26 ரெசிபிகளை தேர்ந்தெடுத்து, மேலும் 4 ரெசிபிகளை சேர்த்து, சத்தான விருந்தை சமைத்துக் காட்டியிருக்கிறார் சமையல்கலை

வாருங்கள்... முருங்கை சமையலை ஒரு கை பார்ப்போம்!

by முழுமுதலோன் Tue Jun 18, 2013 8:10 pm

உருளைகிழங்கு முருங்கைக்காய் மசலா
தேவையானவை: வேக வைத்த உருளைக்கிழங்கு - 4, முருங்கைக்காய் வேக வைத்து வழித்த விழுது, பொடியாக நறுக்கிய தக்காளி - தலா ஒரு கப், பொடியாக நறுக்கிய சின்ன வெங்காயம் - அரை கப், கடுகு, சீரகம் - ஒரு டீஸ்பூன், மஞ்சள்தூள் - அரை டீஸ்பூன், பொடியாக நறுக்கிய கொத்தமல்லி - சிறிதளவு, உப்பு - தேவையான அளவு.

அரைக்க: தனியா, காய்ந்த மிளகாய், தேங்காய் துண்டுகள் - 3, முந்திரி - சிறிதளவு (மிக்ஸியில் விழுதாக அரைத்துக் கொள்ளவும்).

செய்முறை: கடாயில் எண்ணெய் விட்டு கடுகு, சீரகத்தைப் போட்டு வெடித்ததும் வெங்காயம், தக்காளியைப் போட்டு வதக்கவும். இதில் வேக வைத்த உருளைக்கிழங்கை உதிர்த்துப் போட்டு, மஞ்சள்தூள், உப்பு போட்டு வதக்கி, முருங்கைக்காய் விழுதை சேர்த்து, அரைத்த விழுதைப் போட்டு, கொத்தமல்லி தூவி இறக்கவும்.

by முழுமுதலோன் Tue Jun 18, 2013 8:13 pm

முருங்கைக்காய் சட்னி
தேவையானவை: முருங்கைக்காயை வேக வைத்து வழித்த விழுது - அரை கப், பொடியாக நறுக்கிய கொத்தமல்லி - தலா அரை கப், பச்சை மிளகாய் - 4, எலுமிச்சைச் சாறு, உப்பு, எண்ணெய் - தேவையான அளவு, கடுகு, உளுத்தம்பருப்பு - தலா அரை டீஸ்பூன்.

செய்முறை: கொத்தமல்லி, பச்சை மிளகாயுடன் உப்பு, எலுமிச்சைச் சாறு சேர்த்து அரைத்து, முருங்கை விழுதைப் போட்டுக் கலக்கவும். எண்ணெயில் கடுகு, உளுத்தம்பருப்பு தாளித்துக் கொட்டவும். வித்தியாசமான டேஸ்டில் இருக்கும் இந்த சட்னி

by முழுமுதலோன் Tue Jun 18, 2013 8:14 pm

முருங்கைக்காய் தேங்காய்ப் பால் கறி
தேவையானவை: முருங்கைக்காய் - 4 சிறிய துண்டுகள், சோம்புத்தூள் - கால் டீஸ்பூன், வெங்காயம் - 2, தக்காளி - 3, கெட்டியான தேங்காய்ப் பால் - அரை கப், இரண்டாம் தேங்காய்ப் பால் - ஒரு கப் மிளகாய்த்தூள், தனியாத்தூள், கடுகு, சீரகம் - தலா ஒரு டீஸ்பூன், தேங்காய் எண்ணெய் - 2 டேபிள்ஸ்பூன், உப்பு - தேவையான அளவு.

செய்முறை: வெங்காயம், தக்காளியைப் பொடியாக நறுக்கவும். கடாயில் எண்ணெய் விட்டு கடுகு, சீரகம் தாளித்து, சோம்புத்தூளை போடவும். வெங்காயத்தைப் போட்டு வதக்கி, தக்காளி சேர்த்து மேலும் வதக்கவும். இரண்டாம் தேங்காய்ப் பாலை விட்டு, உப்பு சேர்த்துக் கொதிக்க விடவும். கடைசியில் கெட்டியான முதல் தேங்காய்ப் பாலை விட்டு இறக்கவும்.

by முழுமுதலோன் Tue Jun 18, 2013 8:15 pm

முருங்கைக்காய் தயிர் பச்சடி
தேவையானவை: வேக வைத்த முருங்கைக்காய் விழுது - ஒரு கப், தயிர் - அரை கப், தேங்காய் துருவல் - 2 டேபிள்ஸ்பூன், பச்சை மிளகாய் - 2, கடுகு, எண்ணெய் - தலா ஒரு டீஸ்பூன், உப்பு - தேவையான அளவு.

செய்முறை: ஒரு கிண்ணத்தில் முருங்கைக்காய் விழுதைப் போட்டு உப்பு சேர்த்துக் கலக்கவும். மிக்ஸியில் தேங்காய் துருவல், பச்சை மிளகாயை அரைத்து சேர்க்கவும். கடுகு தாளித்துக் கொட்டி பரிமாறவும்.

by முழுமுதலோன் Tue Jun 18, 2013 8:17 pm

முருங்கைக்காய்முருங்கைக்கீரை கூட்டு
தேவையானவை: முருங்கைக்காய் - 4, முருங்கைக்கீரை - ஒரு கப், பாசிப்பருப்பு - கால் கப், மஞ்சள்தூள் - ஒரு சிட்டிகை, உப்பு - தேவையான அளவு, கடுகு, உளுத்தம்பருப்பு - தலா ஒரு டீஸ்பூன், தேங்காய் எண்ணெய் - ஒரு டீஸ்பூன்.

அரைக்க: தேங்காய் துருவல் - அரை கப், பச்சை மிளகாய் - 4, சீரகம் - ஒரு டீஸ்பூன்.

செய்முறை: பாசிப்பருப்பில் மஞ்சள்தூள், உப்பு சேர்த்து வேக விடவும். இதில், முருங்கைக்காய், முருங்கைக்கீரையைப் போட்டு, வெந்ததும் அரைத்த தேங்காய் விழுதை சேர்த்து கொதிக்க வைத்து இறக்கவும். தேங்காய் எண்ணெயில் கடுகு, உளுத்தம்பருப்பு தாளித்துக் கொட்டி பரிமாறவும்.
Posted by Mohamed Ali Blog /pettagam

by mohaideen Wed Jun 19, 2013 9:45 am

முருங்கை சமையல் சூப்பர்

by Sponsored content

அடேங்கப்பா!! வாருங்கள்... முருங்கை சமையலை ஒரு கை பார்ப்போம்!

அடேங்கப்பா!! வாருங்கள்... முருங்கை சமையலை ஒரு கை பார்ப்போம்!

Re: அடேங்கப்பா!! வாருங்கள்... முருங்கை சமையலை ஒரு கை பார்ப்போம்!

Re: அடேங்கப்பா!! வாருங்கள்... முருங்கை சமையலை ஒரு கை பார்ப்போம்!

Re: அடேங்கப்பா!! வாருங்கள்... முருங்கை சமையலை ஒரு கை பார்ப்போம்!

Re: அடேங்கப்பா!! வாருங்கள்... முருங்கை சமையலை ஒரு கை பார்ப்போம்!

Re: அடேங்கப்பா!! வாருங்கள்... முருங்கை சமையலை ஒரு கை பார்ப்போம்!

அடேங்கப்பா!! வாருங்கள்... முருங்கை சமையலை ஒரு கை பார்ப்போம்!

Re: அடேங்கப்பா!! வாருங்கள்... முருங்கை சமையலை ஒரு கை பார்ப்போம்!