சுவையான ரசம் ...

by முழுமுதலோன் Fri Feb 07, 2014 12:27 pm

ரசம் செய்வது எப்படி...???

தேவையான பொருட்கள் :

புளி-எலுமிச்சையளவு
தக்காளி-ஒன்று
மிளகு சீரகம்-தலா அரைத் தேக்கரண்டி
பூண்டு-நான்கு பற்கள்
இஞ்சி-ஒரு சிறிய துண்டு
பச்சைமிளகாய்-ஒன்று
ரசப்பொடி-ஒன்றரை தேக்கரண்டி
மஞ்சப்பொடி-கால் தேக்கரண்டி
பெருங்காயம்-கால் தேக்கரண்டி
உப்பு-தேவைகேற்ப

தாளிக்க:
கடுகு உளுந்தப்பருப்பு-ஒரு தேக்கரண்டி
காய்ந்தமிளகாய்-இரண்டு
கறிவேப்பிலை-ஒரு கொத்து
கொத்தமல்லி-ஒரு கைப்பிடி
எண்ணெய்/நெய்-இரண்டு தேக்கரண்டி

செய்முறை :

ரசம் செய்யத் தேவையான பொருட்களைத் தயாராராய் எடுத்துக் கொள்ளவும்,

புளியை ஊறவைத்து நான்கு கோப்பை நீரில் கரைத்து அதில் ரசப்பொடி,மஞ்சத்தூள்,உப்புத்தூளைக் கலந்து வைக்கவும்,

மிளகு சீரகம் இஞ்சி பூண்டு மற்றும் பச்சைமிளகாய் ஆகியவற்றைச் சேர்த்து நசுக்கி வைக்கவும்,

பாத்திரத்தில் எண்ணெய் காய்ந்ததும் தாளிப்பு பொருட்களைப் போட்டு அவை பொரிந்ததும்,நசுக்கி வைத்துள்ளவற்றைப் போட்டு வதக்கவும்,

பின்பு தக்காளியையச் சேர்த்து வதக்கவும்,

பின்பு அதில் புளிக்கரைசலை ஊற்றி கொதிக்கவிடவும்,

ரசம் நுரைக் கட்டி கொதிக்க ஆரம்பித்ததும் அடுப்பை அணைத்துவிடவும்,

அதன்பின்பு கொத்தமல்லியைத் தூவி மூடிவைக்கவும்,

சுவையான ரசம் தயார்.

சுவையான ரசம் ... 1794677_1380131495564741_1952024367_n