நான் படித்ததில் பிடித்தது -- 2

by பூ.சசிகுமார் Sun Nov 04, 2012 2:54 pm

இவாக்குமூலம்

உயிர; பிரிவதை எண்ணி
வருந்தவில்லை. அவள்
உறவு பிரிவதைஎண்ணி
வருந்துகிறேன்!
உடல் மண்ணில் மறைகிறது
என்று வருந்தவில்லை.
அவளை மறக்க முடியாமல்
வருந்துகிறேன்!
இதயத்துடிப்பு நிற்கப்போகிறது
என்று கவலைபடவில்லை. அதில்
அவளின் இதயம் இருப்பதை
எண்ணி கலங்குகிறேன்!
ரத்தோட்டம் நிற்க போகிறதே
என்று நான் கலங்கவில்லை. என்
ரத்தம் அவளுக்கு பயன்படவில்லையே
என்று கலங்குகிறேன்!
உயிர; பிரிவதை எண்ணி
கலங்கவில்லை. அவள்
உறவு பிரிவதை எண்ணி
கலங்குகிறேன்!

நினைத்த போது இல்லை

பட்டம் விட நினைத்த போது
பட்டம் கிடைக்கவில்லை!
பட்டம் கிடைத்த போது
பட்டம் விட ஆசை இல்லை!
படிக்க நினைத்த போது
புத்தகம் கிடைக்கவில்லை!
புத்தகம் கிடைத்த போது
படிக்க ஆசை இல்லை!
முயற்சி இருந்த போது
வெற்றி இல்லை!
வெற்றி வரும் போது
முயற்சி இல்லை!
தூக்கம் வந்த போது
மெத்தை இல்லை!
மெத்தை வந்த போது
தூக்கம் இல்லை!
வாழ நினைத்த போது
வழி கிடைக்கவில்லை!
வழி கிடைத்த போது
வாழ பிடிக்கவில்லை!
நான் உன்னை நினைத்த போது
நீ என்னை நினைக்கவில்லை!
நீ என்னை நினைத்த போது
நான் உயிருடன் இல்லை!!! -

by பூ.சசிகுமார் Sun Nov 04, 2012 2:59 pm

புனிதமானது தான்

அன்பு புனிதமானது தான்
அனைவரும் சமம் என்ற
வேசம் இல்லா
நேசம் உள்ள வரையில்...
நட்பு புனிதமானது தான்
இன்பத்தில் மட்டுமல்லாது
துன்பத்திலும் துள்ளி வருகின்ற
பாசம் உள்ள வரையில்...
உறவு புனிதமானது தான்
உள்ளத்தை’ வைத்தல்லாமல்
உள்ளத்தை’ வைத்து
உறவாடும் வரையில்...
வாழ்க்கை புனிதமானது தான்
லட்சத்திற்காக வாழாமல்
லட்சியத்திற்காக வாழும் வரையில்...
இல்லறம் புனிதமானது தான்
ஒருவன் ஒருத்தி’ என்ற
பன்மையில்லா ஒருமை
உள்ள வரையில்...
காதல் புனிதமானது தான்
காதலும் காமமும் ஒன்றை
யொன்று காதலிக்காத வரையில்...

அவள்

பாலைவனம் என்றாலும் பயணம் செய்கின்றேன்
பாதை காட்டுவது அவளாக இருக்க வேண்டும்!
கவிதை போட்டியிலே கலந்து கொள்கிறேன்
கவிதையின் தலைப்பு அவளாக இருக்க வேண்டும்!
கொசுக்கடியில் கூட நிம்மதியாக உறங்கிடுவேன்
கனவில் வருவது அவளாக இருக்க வேண்டும்!
கடுமையாக உழைக்க காத்துக் கிடக்கிறேன்
ஊதியம் தருபவள் அவளாக இருக்க வேண்டும்!
வறுமையில் கூட வாழ்ந்து காட்டுவேன்
வாழ்க்கை துணைவி அவளாக இருக்க வேண்டும்!!!]

by பூ.சசிகுமார் Sun Nov 04, 2012 3:02 pm

இரத்தம்

நல்ல வேளை உன் புகைப் படத்தில்
நீ இல்லை விருப்பம் போல்
விளையாட முடிகிறது.
நீ அதிசயமான தீக்குச்சி உரசாமலேயே
என்னில் தீப்பற்ற வைத்து
விட்டாய்.

நான் நீயானேன் நீ நான் ஆனாய்
இப்போது நான் யார;?
வா திருமணம் செய்து கொள்வோம்
சம்சார வண்டியை இழுக்க
இரண்டு மாடுகள் வேண்டும்.
என் அழைப்பும் குயிலின் அழைப்பைப் போன்றது தான்.
உண்மையில் இரண்டும் யாரையும்
அழைக்க வில்லை ஆனால்
இரண்டிலும் எல்லோருக்கும் எல்லாவற்றிலும்
அழைப்பு இருக்கிறது.

மண்ணில் தளைப்படாது வானத்தில் பறக்கும் பறவை மண்ணில்
தளைப்பட்டு நிற்கும் மரத்தில் தான் கூடுகட்டுகிறது.
சொற்களில் புயல்வீசும் போது நீ கவிதை கொண்டு வருகிறாய்.
ஒவ்வொரு சிகரெட் கொளுத்தும் போதும் உன்
பார;வை ஞாபகம் வருகிறது.

மேகங்களால் வீடுகட்டுகிறது கலைக்கிறது
காற்றுக்குத் திருப்தியே உண்டாகாது.
இசையிலும் கனவிலும் இரைதேடும் கவிதை யுகம்
யுகமாக சொன்னாலும் முடியாத கதையொன்று
கடலிடம் உண்டு போலும் இந்த கவிதைகள்
நீ ஏற்படுத்திவிட்டுப் போன காயங்களில்
இருந்து வடியும் இரத்தம்.

by முரளிராஜா Mon Nov 05, 2012 12:37 pm

கவிதை திருத்தப்பட்டது

by பூ.சசிகுமார் Mon Nov 05, 2012 3:56 pm

முரளிராஜா wrote:கவிதை திருத்தப்பட்டது

நன்றி அண்ணா பிரபு அண்ணா மிக்க நன்றி தங்கள் உதவிக்கு

by முரளிராஜா Mon Nov 05, 2012 5:24 pm

என் உயிர் நீயே wrote:
முரளிராஜா wrote:கவிதை திருத்தப்பட்டது

நன்றி அண்ணா பிரபு அண்ணா மிக்க நன்றி தங்கள் உதவிக்கு

தம்பி திருத்துனது யாரு?
நன்றி யாருக்கு? அதிர்ச்சி

by பூ.சசிகுமார் Mon Nov 05, 2012 5:26 pm

முரளிராஜா wrote:
என் உயிர் நீயே wrote:
முரளிராஜா wrote:கவிதை திருத்தப்பட்டது

நன்றி அண்ணா பிரபு அண்ணா மிக்க நன்றி தங்கள் உதவிக்கு
தம்பி திருத்துனது யாரு?
நன்றி யாருக்கு?

அப்படின அவர் இல்லயா