ரயில்வேயில் 10 லட்சம் பேருக்கு வேலை: ரயில்வே அமைச்சர்

டில்லியில் நடந்த நிகழ்ச்சி ஒன்றில் கலந்து மத்திய ரயில்வே துறை அமைச்சர்
பியூஷ் கோயல் தெரிவித்தது:
-
ரயில்வே துறையில், அடுத்த ஐந்தாண்டுகளில், ரூ.9.7 லட்சம் கோடி
முதலீடு செய்யப்படவுள்ளது. இதன்மூலம், 10 லட்சம் பேருக்கு
வேலை கிடைப்பது உறுதி. ரயில்வே துறையில், பல நவீன தொழில்
நுட்பங்களை புகுத்த உள்ளோம். வேலை வாய்ப்புகளை அளிப்பதில்,
நாட்டின் மற்ற துறைகளுக்கு, ரயில்வே முன்னோடியாக விளங்கும்.


மின்மயம்:

ரயில் பயணிகளுக்கு பாதுகாப்பான பயணம் அளிக்க ரயில்வே
உறுதியுடன் செயல்பட்டு வருகிறது. அனைத்து ரயில்வே
வழித்தடங்களும் அடுத்த 4 ஆண்டுகளில் மின்மயமாக்க இலக்கு
நிர்ணயிக்கப்பட்டுள்ளது. இதன் மூலம் ரூ.10 ஆயிரம் கோடி
அளவுக்கு எரிபொருள் செலவு குறையும். இவ்வாறு அவர் தெரிவித்தார்.
-
-------------------------
தினமலர்