ம. ரமேஷ் ஹைக்கூக்கள்

First topic message reminder :

µ
பூக்கள்
ஏன் சூடுகிறாய்?
கூந்தலே அழகு

µ
ஆதிப் பிழம்பை
அணைக்கும்
நீர்

µ
வாடிகொண்டிருக்கும் செடி
அடியில் எறும்புப் புற்று
வருந்தியபோது மழை

µ
மண்சோறு சமைத்தார்கள்
குழந்தைகள்
இறைவன் பசியாறினான்

µ
மலர் மாலைகள்
கசங்கியபடி
பாடை சென்ற வழி

முரளிராஜா wrote:

ஆடை
உடுத்துதலில் இருக்கிறது
பூக்களின் அழகு

இதை விவரிக்க இயலுமா ?

மாலை விவரிக்கிறேன்...

µ
இதயவாசலை
திறந்து வைத்தேன்
ஒற்றடை

µ
குயவனின்
உடைந்த பானை
பிறை நிலவு

µ
பூவுக்குத்தான்
அழகு தேவை
வண்டுக்கு எதற்கு?

µ
ஒப்பனை அறை
அழுகைச் சத்தம்
கர்ப்பக்கிரகம்

µ
இயற்கை உரம்
நிலத்தில் சிந்தியது
உழவனின் வியர்வை

கவியருவி ம. ரமேஷ் wrote:

முரளிராஜா wrote:

ஆடை
உடுத்துதலில் இருக்கிறது
பூக்களின் அழகு

இதை விவரிக்க இயலுமா ?

மாலை விவரிக்கிறேன்...

நானும் காத்திருக்கிறேன்

முரளிராஜா wrote:

ஆடை
உடுத்துதலில் இருக்கிறது
பூக்களின் அழகு

இதை விவரிக்க இயலுமா ?

எளிமைதான் நண்பர்களே...
பூக்கள் பல வண்ணங்களில் இருக்கிறது. பெண்களும் பல வண்ணங்களில் இருக்கிறார்கள். பூக்கள் எல்லோரையும் கவர்கிறது. குறிப்பாக இறைவனுக்குப் பூசைப் பொருளாகப் பயன்படுகிறது. ஆணுக்குப் பெண்கள் வாழ்க்கைக் துணைவியாக - காதலியாக ஆணுக்காகப் படைக்கப்பட்டுள்ளார்கள்(ஆணும் பெண்ணுக்காகப் படைக்கப்பட்டவன்தான்).

கவிதைக்கு வருகிறேன்...

பூக்களின் வண்ணங்கள் நிறமாகப் பார்ப்பவன் சாதாரண மனித குணம் கொண்டவன். அந்த நிறங்களையே ஆடையாகப் பார்ப்பவன் கவிஞன். இந்தக் கவிஞன் பூக்களின் வண்ணங்களை ஆடையாகப் பார்ப்பதோடு நின்றுவிடாமல்... பெண்கள் பூவுக்கு ஒப்பீடு செய்வதால் பெண்களையும் ஆடை உடுத்த வேண்டும். அதுவும் பூக்கள் எவ்வாறு தன்னுடைய நிறங்களினால் தன்னை அலங்கரித்து மூடி அழகாகக் காட்சியளிக்கிறதோ... அவ்வாறே பெண்களும் ஆடை உடுத்திக் கொண்டு அழகுக்கு இலக்கணம் செய்ய வேண்டும்...

உடனே பெண்ணிய வாதிகள்... ஆடை உடுத்துவது எங்கள் சுதந்திரம் என்று போராட வந்துவிடாதீர்கள்...

இன்னும் கூட விவரிக்கலாம்... எல்லாவற்றையும் கவிஞன் விவரிக்கக்கூடாது என்பார்கள்... நானும் பிறவற்றைத் தங்களின் சிந்தனைக்கே விட்டுவிடுகிறேன். நன்றி.

இப்போது புரிகிறதா முரளி அண்ணா இது எங்களை போன்ற அறிவாளிகளுக்கு தான் புரியும்

தெளிவாக விளக்கியமைக்கு மிக்க நன்றி கவியருவி ம. ரமேஷ்
பொருள் உணர்ந்துகொண்டேன்

மகிழ்ச்சி நண்பர்களே...

µ
சூரியனுக்கும் சந்திரனுக்கும்
பிறந்தக் குழந்தைகள்
நட்சத்திரங்கள்

µ
வெள்ளை ஆடையில்
எல்லோரும் கலங்கம்
நிலவைத் தவிர

µ
நிறம் ஒன்றே
வகைகள் வேறுவேறு
குருதி

µ
சிரிக்கும் ரோஜாவும்
கண்ணீர் வடிக்கும்
பனித்துளி

µ
குளத்தில் கல் எறிந்தேன்
அலைகளைத் தடை செய்தது
தாமரைகள்

----
தமிழ் டாக்டர் (முனைவர்) பட்ட ஆய்வுக்காகத் தங்களின் கவிதை புத்தகங்கள் வரவேற்கப்படுகின்றன.

21ஆம் நூற்றாண்டுத் தமிழ் கவிதைகளின் போக்குகள் என்பது ஆய்வுத் தலைப்பாகும். எனவே தங்களின் படைப்புகள் 2000 - 2012 அல்லது 2013 இறுதிவரை வெளியாகும் - வெளியிடப்பட்ட கவிதைப் புத்தகங்கள் எந்த வகையினதாக இருந்தாலும் (புதுக்கவிதை, ஹைக்கூ, சென்ரியூ, ஹைபுன், கஸல் என்று புதிய வடிவங்களைத் தாங்கிய படைப்புகளை) தெரியப்படுத்தவும். எத்தனைப் புத்தகங்களாக இருந்தாலும் ஆய்வுக்கு ஏற்றுக் கொள்ளப்பெறும். தங்களின் புத்தகங்களோ அல்லது தங்களின் நண்பர்களின் புத்தகங்களோ அனுப்ப வேண்டுகிறேன். அல்லது தாங்கள் படித்த நல்ல கவிதைப் புத்தகங்களையும் பரிந்துரை செய்யலாம்.

வேலூர் மாவட்டத்தில் நியூ செஞ்சுரி புக் ஹவுஸ் - புத்தக நிலையத்தில் கிடைக்குமானால் தெரியப்படுத்தவும். நான் இங்கேயே வாங்கிக் கொள்கிறேன்.

புத்தகம் வீட்டிற்கு வந்து சேர்ந்த மறுநாள் புத்தகத்திற்கான பணம் ஏடிஎம் டிரான்ஸ்பர் மூலம் மட்டுமே (இந்தியன் வங்கி, எஸ்பிஐ) அனுப்பி வைக்கப்படும்.

தாங்கள் புத்தகம் அனுப்புவதாக இருப்பின் தனி மடலில் தகவலைத் தெரிவிக்கவும். வீட்டு முகவரி கொடுக்கப்படும். மின்னஞ்சல் poetramesh@gmail.com

என் தொடர்பு எண்கள்.
9865224292 - ஏர்செல்
8144818481 - ரிலையன்ஸ்
8438921372 - டாடா டொகமா
8680963972 - ஐடியா

நன்றி.

கவிதை ரொம்ப நல்லாருக்கு

µ
இலையின் நீரை
வழுக்க விடவில்லை
தாமரை

µ
வானக் குளத்தில்
பூக்கும் தாமரை
நிலா

µ
பூக்களும் நடிக்கிறது
நீ வரும்போது மட்டும்
சிரிக்கிறது

µ
கடலில் முகம் பார்த்து
வெட்கப்பட்டுப் போனது
மின்னல்

µ
குளத்தில்
அழகை ரசித்தது
வானவில்

உங்கள் கற்பனை அழகு

அருமை ரசித்தேன்

கலக்கல் அண்ணா.

மூன்று வரிகளில் நறுக்கென்ற கவிதை
ரொம்ப நன்றி கவியருவி ம. ரமேஷ்

நன்றி நண்பரே...

எந்த முனிவன் சாபமோ?
இன்றும் பாதியாய்
வானவில்

மிகவும் ரசித்தேன்