புதிர் போட்டி #27 - மூளைக்கு வேலை

உறவுகளே,

இது என் இரண்டாவது புதிர் கதை. முதலில் பதிவிட்ட புதிரில் யாரும் சரியான விடை சொல்லவில்லை. எனவே இந்த எளிய புதிர் கதையை உங்களுக்காக எழுதி இருக்கிறேன். இனி புதிருக்கு போவோம்...  



பிப்ரவரி 22 2015

அதிக அரவம் இல்லாத அந்த சென்னை புற நகர் பகுதி வீதியில் வலது கடைசியில் இருக்கும் அந்த வீட்டின் அருகே இன்ஸ்பெக்டர் சரவணவேல் நெருங்கும் போதே அக்கம் பக்கம் உள்ள மக்களும், அந்த வழியே செல்வோரும் மொய்த்து கொண்டு இருந்த கூட்டம் போலீஸ் ஜீப்பை பார்த்தவுடன் வழிவிட்டு ஒதுங்கியது. ஜீப்பிலிருந்து இறங்கும் போதே பொது மக்களை கலைந்து செல்ல வழியுறுத்தினார்.  

இன்ஸ்பெக்டர் வீட்டின் உள்ளே சென்று பிரேதத்தை சில நிமிடங்கள் ஏறிட்டு பார்த்தவர் வெளியில் வந்து கைரேகை நிபுணர்கள் மற்றும் போட்டோ கிராபர்களுக்கும் உத்தரவிட்டார். “போலீஸ் ஸ்டேஷன்க்கு யார் தகவல் சொன்னது? என வினாவினார்.”

ஒருவர் முன் வந்து நான்தான் சார் என்றார்.

சொல்லுங்க எப்ப பார்த்தீங்க?

ஒரு மணி நேரம் முந்திதான் சார். சுமாரா ஆறரை மணி இருக்கும் சார்.

ம்ம்ம் மேல சொல்லுங்க..  

இந்த வீட்ல நாலு பசங்க தங்கி இருந்து பக்கத்தில் எங்கேயோ காலேஜ்ல படிக்கிறாங்க சார். தினமும் காலை மாலை இரண்டு வேலையும் பால் சப்ளை செய்வேன் . இன்னைக்கு பால் கொண்டு வந்து கூப்பிட்ட போது யாரும் ஏன்னு கேட்கலை சார், சரி ஞாயிறு கிழமை அசந்து தூங்குறாங்கனு நினைச்சி கதவை தட்டினேன். கதவு தானா தொறந்துகிட்டு உள்ளே எட்டி பார்த்தா அந்த தம்பி சுரேசு தூங்குவது போலதான் தெரிஞ்சிச்சு அடுத்த அடி வைக்கிறப்ப அவர் மூக்கில் ரத்தம். பயந்துட்டேன் சார். உடனே வெளியில் வந்து போலீஸ் ஸ்டேஷன்க்கு போன் பண்னினேன் சார்.

ம்ம்ம் வீட்ல இருந்த மற்ற மூனு பேர் எங்கே போனாங்க ஏதாவது தெரியுமா?

நேத்து காலைல பால் கொடுக்க வரும் போதும் இந்த சுரேஷ் தம்பிதான் இருந்தார். எப்போது அரை லிட்டர் பால் வாங்குவாங்க, நேத்திக்கு கால் லிட்டர் போதும் எல்லாரும் ஊருக்கு போயிருக்காங்கனு சொன்னார் சார்.

ம்ம்ம்... அந்த மூனு பேரும் எந்த ஊர்னு உங்களுக்கு ஏதேனும் தகவல் தெரியுமா?

நான் அதை பற்றி கேட்டது இல்ல சார். பாலை கொடுத்து விட்டு அடுத்த வீட்டுக்கு பால் சப்ளை கொடுக்க போகனும், அதனாலே எனக்கு அதுக்கெல்லாம் நேரம் இல்ல சார்.

ஓ சரி... நீங்க எங்க இருக்கீங்க?

இங்கதான் எழட்டு வீடு தள்ளி என் வீடு இருக்கு சார்.

ம்ம்ம் சரி நீங்க இப்ப போகலாம். கூப்பிட்டு அனுப்பும் போது வாங்க என்ற இன்ஸ்பெக்டர் கான்ஸ்டபிள்
ஒருவரை அழைத்து சம்பந்தப்பட்ட எல்லாருக்கும் தகவல் அனுப்புங்க. அப்புறம் இந்த வீட்ல இருந்த மற்ற மூவருக்கும் தகவல் அனுப்ப ஏற்பாடு செய்ங்க. அவர்களை என்னை ஸ்டேஷன்ல வந்து பார்க்க சொல்லுங்க.  

கைரேகை நிபுணர்கள் தங்கள் பணியை செய்து கொண்டிருக்க, போட்டோகள் பளிச்சிட, பிரேத பரிசோதனனைக்கு உடலை எடுத்து செல்ல சில மணி நேரங்களில் அந்த இடம் நிசப்தம் கூடி இருந்தது.





பிப்ரவரி 23 2015

மறுநாள் காலை 11 மணி அளவில் இன்ஸ்பெக்டர் சரவணவேல் சுரேஷ் உடலை பிரேத பரிசோதனனைக்கு பின் பெற்றோர்களிடம் ஒப்படைக்க. அழு குரல் சத்தம் விண்ணை பிளந்தது.




அடுத்து போலீஸ் ஸ்டேஷன்..

இன்ஸ்பெக்டர் சரவணவேல் கைரேகை நிபுணர்களுடன் உரையாடி கொண்டிருந்தார்.

சார் சுரேஷ் மர்டர் ஸ்பாட்ல எடுத்த கைரேகை ரிப்போர்ட் முழுவதும் வந்துட்டு.

ம்ம்ம்.. சற்று முன்னேதான் பிரேத பரிசோதனனை ரிபோர்ட் வந்துச்சு. அதில் சுரேசை தலையணையில் முகத்தை அழுத்தி கொலை செய்யப்பட்டிருக்கலாம் என ரிப்போர்ட்ல சொல்லி இருக்காங்க. அதனால சுரேஷ் மூச்சு திணறிதான் இறந்து இருக்கிறான். முகத்தை அழுத்தியதில் மூக்கு பகுதியில் சேதமாகி ரத்தம் வெளிவந்து உறைந்து போயிருக்கு. அதனால் இது திட்டமிட்ட கொலைதான் என்பது தெளிவா தெரியுது. இந்த கொலை அதிகாலை 4.30 மணியிலிருந்து 5 மணிக்குள்ள நடந்து இருக்கு.  

இப்ப சொல்லுங்க இதுக்கு சாதகமாக ஏதேனும் கை ரேகை ரிப்போர்ட்ல ஏதாவது விஷயம் இருக்கா?

சார் சுரேஷ் உடலுக்கு பக்கத்தில் கிடந்த சில தலையணைகளில் எந்த கைரேகையும் சரியா கிடைக்கவில்லை. கொலை செய்ய வந்தவன் தகுந்த முன் ஏற்பாட்டொடு வந்து இருக்கான் சார். அவன் கையில் கிலௌஸ் போன்ற ஏதேனும் அணிந்து இருக்க வாய்ப்பு இருக்கு மற்ற பொருள்கள் அனைத்திலும் அழுத்தமான கைரேகைகள் எதுவும் கிடைக்கலை சார். ஆனால் அந்த காதலர் தின வாழ்த்து அட்டையில் மட்டும் சுரேஷ் கைரேகையோடு வேறு ஒரு கை ரேகையும் பதிவாகி இருக்கு சார்.

இன்ஸ்பெக்டருக்கு லேசாக பொறி தட்டியது. உடனே தன் டேபிள் மேல் இருந்த மற்ற மூவரின் கைரேகைகள் அடங்கிய கவரை கொடுத்து இதில் யாருக்காவது அந்த கைரேகை மேட்ச் ஆகுதானு பாருங்க என்றார்.

கைரேகை நிபுணர்கள் தாங்கள் கொண்டு வந்திருந்த பூதக்கண்ணாடி மற்றும் சில பவுடர்களை கொண்டு அந்த கைரேகையொரு அலசி ஆராய்ந்து கொண்டிருந்தார்கள். சில நிமிடங்களில் இல்லை சார் இது மேட்ச் ஆகல என்றனர்.

இதை கேட்டதும் இன்ஸ்பெக்டர் சற்று குழம்பிதான் போனார். இந்த கொலையோட மோடிவ் எண்ணெவென்றே விளங்கவில்லை. சுரேஷோடு தங்கி இருந்த அந்த மூவரையும் தீர விசாரித்தால் வெளிச்சம் கிடைக்கலாம்.

சார் இதுல குட்வில் கார்ட்ஸ்னு ஸ்டிக்கர் இருக்கு. இந்த கடை சென்னையில் ஸ்பென்சர் பிளாசாவில் மட்டும்தான் இருக்கு.

ஓ குட். அப்ப கண்டிப்பா கடையில் சி‌சி‌டி‌வி கேமேரா இருக்கும். நான் அந்த கடையில் சி‌சி‌டி‌வி புட்டெஜ் கிடைக்குதானு பார்க்க இப்பவே ஏற்பாடு செய்றேன் என்ற இன்ஸ்பெக்டர் மேலும் சில விஷயங்களை பேசிய பின் கைரேகை நிபுணர்களை அனுப்பி வைத்தார்.  




இன்ஸ்பெக்டர் சரவணவேல் முன்னாள் அந்த மூவரும் உட்கார்து இருந்தனர். தன் நண்பனின் மரணம் அவர்களை அதிகம் பாதித்து இருந்தது. அதை அவர்களின் கண்களில் தெரிந்தது.

ஒரு முறை மூவரையும் ஏறிட்டு பார்த்த இன்ஸ்பெக்டர் சதீஷ், திலீப், சந்துரு. உங்களை பற்றி தனி தனியா அப்புறம் விசாரிக்கிறேன். இப்ப சுரேஷ் பற்றி சொல்லுங்க. சுரேஸ்க்கு வெளியில் யாராவது எதிரிங்க இருக்கங்களா?

திலீப், அப்படி யாரும் இருப்பதாக தெரியவில்லை சார். சுரேஷ் ரொம்ப நல்லவன். நல்லா படிப்பான். பிளஸ் டூல ஸ்கூல் ஃபர்ஸ்ட் அவன்தான். அவனுக்கு இந்த கதியானு நினைக்கிறப்ப ரொம்ப கஷ்டமா இருக்கு சார். (திலீப் கண்ணை கசக்கினான்)

ம்ம்ம்... அழாதீங்க. சுரேஷ்சோட மற்ற ஆக்டிவிட்டீஸ் எப்படி?  

சந்துரு, ரொம்ப அதிகமா யார்கிட்டையும் பேச மாட்டான் சார், அவன் உண்டு அவன் வேலை உண்டுனு இருப்பான். அப்புறம் தினமும் காலையில் அலாரம் வச்சு எழுவான் 5 மணிக்கு வாக்கிங் போவான்.

"வாட்..."

ஏன் சார்.... ?

தினமும் காலையில் 5 மணிக்கு வாக்கிங் போவானா?

ஆமாம் சார்

ஞாயிற்று கிழமை கூடவா?

ஆமாம் சார்.. என்ன கிழமையானாலும்.. வாக்கிங் போவதை நிறுத்த மாட்டான்.

அலாரம் வைச்சு எழுவானா?  

ஆமாம் சார்..

இன்ஸ்பெக்டர் கண்ணில் லேசாக பொறி தட்டியது. மூவரையும் ஒரு பார்வை பார்த்தவர் சரி உங்களை மாலை சந்திக்கிறேன் என்றவாறே எழுந்தார்.




மீண்டும் சுரேஷ் கொலை நடந்த அதே வீடு...

இன்ஸ்பெக்டர் வீட்டின் உள்ளே சென்ற சில நிமிடங்களில் அலாரம் ஒன்றை வெள்ளை கலர் துணியில் எடுத்து வந்து கான்ஸ்டபிள் ஒருவரை அழைத்து அவரிடம் என் தனியறையில் வையுங்கள். நான் கைரேகை நிபுணர்ககளை வரவழைத்து இதில் ஏதேனும் அந்த மூன்று பேரின் ஃபிங்கர் பிரிண்ட்ஸ் மேட்ச் ஆகுதானு மீண்டும் ஒரு முறை பார்க்க சொல்றேன். எல்லா வகையிலும் நாம் முயற்சி செய்வோம். அப்புறம் அந்த க்ரீட்டிங்க் கார்ட் கடையில் சி‌சி‌டி‌வி புட்டெஜ் ஆதாரம் வாங்க கான்ஸ்டபிள் பெரியசாமியை அனுப்பி இருக்கேன். அவர் வந்ததும் என்னை பார்க்க சொல்லுங்க.

யெஸ் சார்.  




மாலை 3 மணி

மீண்டும் விசாரணை தொடங்கியது, ஆனால் இந்த முறை தனித்தனியாக மூன்று பேரிடமும் பேச நினைத்தவர் முதலில் திலிப்பை தன் அறைக்கு  வரவழைத்தார் இன்ஸ்பெக்டர், அவனிடம் சில நிமிடங்கள் பேசும் பேசிக்கொண்டு இருக்கும் போதே கான்ஸ்டபிள் ஒருவர் வேகமாக வந்தார். சார் ஏ‌சி லைன்ல இருக்கார். உங்க கூட ஒரு கேஸ் விஷயமா பேசனுமாம்... கொஞ்சம் வந்துட்டு போங்க என்றார்.
இன்ஸ்பெக்டர் சரவானவேல் உடனே விரைந்தார்.

அடுத்த சில நிமிடங்கள் கழித்து இன்ஸ்பெக்டர் கையில் ஒரு லேப்டாப்புடன் வந்தமர்ந்தவர் திலிப்பை ஏறிட்டு பார்த்தார்.

அடுத்து அவர் கேட்ட கேள்வி திலிப்பை தூக்கிவாரி போட செய்தது.

சொல்லுங்க திலீப், “சுரேசை ஏன் கொலை செஞ்சீங்க”

சார்.....!. என்ன சொல்றீங்க.

இந்த வீடியோ கிளிப்பை கொஞ்சம் பாருங்க என லேப்டாப்பை திலீப் பக்கம் திருப்பினார்.

அதை பார்த்த சில வினாடிகள் திலீப் கண்ணை மூடிக்கொண்டான். சப்தமில்லாமல் ஆழ தொடங்கினான்.
சொல்றேன் சார்... ஆனால் அந்த அந்த பெண்ணை இந்த கேஸ்ல மாட்டிவிட்டுடாதீங்க.

பிப்ரவரி 14 2015 மாலை 4 மணிக்கு...

திலீப் சொன்ன கதையை அப்புறம் சொல்றேன்.

திலீப்தான் குற்றவாளி என இன்ஸ்பெக்டர் எப்படி கண்டுபிடித்தார்.?

இந்த கதையை முடிந்தவரை சுருக்கி இருக்கேன். அப்புறம் உங்களை திசை திருப்ப கதையில் தேவை இல்லாத சில விஷயங்களை சேர்த்து இருக்கேன். ஆனாலும் மிக மிக எளிதான புதிர்தான்.

சரியான விடை சொல்பர்களுக்கு "துப்பறியும் புலி" பட்டம் சூடப்படும்.

யாரும் சரியான விடை சொல்லாத பட்சத்தில் சில நாட்களில் மீதி கதையுடன் இன்ஸ்பெக்டர் எப்படி கண்டுபிடித்தார் என்பதையும் சொல்கிறேன். ....

- உங்கள் ஸ்ரீராம்.

இந்த புதிர் கதையை சிலருக்கு டாக் செய்கிறேன்.

@முரளிராஜா, @முழுமுதலோன், @ரானுஜா @kanmani singh, @mohaideen, @கவிப்புயல் இனியவன், @கவியருவி ம. ரமேஷ், @செந்தில், @ந.க.துறைவன்

 இதான் கதை சுருக்கமா ?

முரளிராஜா wrote:
 இதான் கதை சுருக்கமா ?

ஆறு பக்கத்துக்கு எழுதின கதையை மூன்று பக்கமாக குறைத்து இருக்கேன். இதுக்கு மேலே குறைத்தால் கதையே தெரியாது.

அது உங்கள் துப்பறியும் மூளை என்ன சொல்கிறது முரளி?

இது ரொம்ப ஈசியான புதிர்தான்.

கிரீட்டிங் கார்ட் வாங்கப் போனது திலிபும் சுரேஷ் விரும்புகிற பொண்ணும்.

அதனால் இன்ஸ்பெக்டருக்கு சந்தேகம் வந்திருக்கலாம் ஸ்ரீராம்...

ஆனால் திலீப் கதை என்னனு நீங்க சொன்னா தான் தெரியும்...

ஏசி கிட்ட பேசப் போன டைம்ல திலீப் எதோ செய்திருக்கான்

வாவ் பரவாயில்லை சரியான பதிலை முகநூலிலும், தளத்திலும் பதிவிட்டு இருக்கீங்க. யார் உண்மையான துப்பறியும் புலிக்கு உரியவர் என்பதை நாளை காலை மீதி கதையை சொல்லும் போது சொல்கிறேன். இப்ப எனக்கு நேரம் மிக மிக குறைவு. பணி சுமை அதிகம்.

நீங்க சொன்ன பதில்கள் நூறு சதவீதம் சரியா என கேட்டால் இல்லை என்றுதான் சொல்வேன். இருந்தாலும் 85% சதவீதம் சிலர் சரியாக ஊகித்து பதில் சொல்லி இருக்கிறார்கள்.

@முழுமுதலோன் அண்ணா நல்லதொரு பாடலுக்கு நன்றி!!!

நாளை பார்க்கிறேன்.

நல்ல வேள.. வேல...

இன்று மீண்டும் ஒரு முறை படித்ததில் கிழ்கண்ட பதில் கிடைத்தது

இப்ப சொல்லுங்க இதுக்கு சாதகமாக ஏதேனும் கை ரேகை ரிப்போர்ட்ல ஏதாவது விஷயம் இருக்கா?

சார் சுரேஷ் உடலுக்கு பக்கத்தில் கிடந்த சில தலையணைகளில் எந்த கைரேகையும் சரியா கிடைக்கவில்லை. கொலை செய்ய வந்தவன் தகுந்த முன் ஏற்பாட்டொடு வந்து இருக்கான் சார். அவன் கையில் கிலௌஸ் போன்ற ஏதேனும் அணிந்து இருக்க வாய்ப்பு இருக்கு மற்ற பொருள்கள் அனைத்திலும் அழுத்தமான கைரேகைகள் எதுவும் கிடைக்கலை சார். ஆனால் அந்த காதலர் தின வாழ்த்து அட்டையில் மட்டும் சுரேஷ் கைரேகையோடு வேறு ஒரு கை ரேகையும் பதிவாகி இருக்கு சார்.


இதிலிருந்து என்ன தெரிகிறது என்றால் திலிப் கையுறை யை பயன்படுத்தியதால் அவனுடைய கைரேகை பதிய வாய்ப்பு இல்லை  மேலும் மற்றவர்களின் கைரேகை அங்கு பதிந்து இருக்கும் போது இவனுடைய கைரேகை இல்லாதது ஒரு சந்தேகம் வந்திருக்கலாம்

மேலும் அலாரம் கடிகாரத்தில் ஒரு வெப் camera பொருந்தி இருந்து அதில் பதிவு செய்யப்பட்ட காட்சிகள் காட்டி  கொடுத்திருக்கலாம்

{அந்த காதலர் தின வாழ்த்து அட்டையில் மட்டும் சுரேஷ் கைரேகையோடு வேறு ஒரு கை ரேகையும் பதிவாகி இருக்கு சார்.}
திலீப்பும் சுரேசும் சேர்ந்து ஒன்றாக சென்று அந்த அட்டையை வாங்கி இருக்கலாம் அப்போது திலீப்பின் கைரேகை அதில் படிந்து இருக்கும் அந்த கை ரேகையை வைத்து கூட திலிப் தான் கொலையாளி என்று கண்டு அறிந்து இருக்காலாம்

இந்த புதிரை எந்தவிதமான கோணங்களிலும் யோசிக்கலாம்  ஆனால் நீங்கள் எவ்வாறு யோசித்து விடை தர போகிறிர்கள் என்று எனக்கு தெரியவில்லை

பொதுவாக இது போன்ற crime கதைகளுக்கு விடைகள் பல்வேறு கோணங்களில் தரலாம் என்பது என் தனிப்பட்ட கருத்து இருந்தாலும் உங்கள் பதிலை ஆர்வமுடன் எதிர் நோக்கி கொண்டு உள்ளோம்

@ஸ்ரீராம்

இன்னும் இந்த புதிருக்கு சரியான விடையை சொல்லல்லையே ஸ்ரீ ராம்

நன்றி அண்ணா வீடியோ சூப்பர்