புதிர் போட்டி #38 சரியான பதிலை சொல்லுங்க !!பரிசினை வெல்லுங்க !!

by முழுமுதலோன் Sat Aug 29, 2015 10:52 am

உறவுகளுக்கு மீண்டும் ஒரு புதிர் போட்டி

நீடாமங்கலத்தின் ஜமீன் செந்தில் அவர்களுக்கு பறவைகள் மற்றும் மிருகங்களை வேட்டையாடுவது என்றால் மிகவும் பிரியம் ஒரு நாள் வேட்டைக்குச்சென்று திரும்பிய செந்தில் தன் வேட்டை முடிந்து வீட்டுக்கு வந்ததும், தான் வேட்டையாடிக் கொண்டுவந்திருந்த ஒரு கொக்கைச் சமையல் காரரிடம் கொடுத்து இரவு உணவுக்கு சுவையாகச் சமைத்து வைக்கும்படி கூறினார்.

சமையல்காரன் அந்தக் கொக்கை உறித்து, பக்குவமாக மசாலா போட்டுக் குழம்பு வைத்தான். நன்றாக வெந்ததும், குழம்பின் மணம் அவன் மூக்கைத் துளைத்தது. ஆசை அடக்க முடியாமல் கொக்கின் ஒரு காலை எடுத்து ருசி பார்த்தவன் கொஞ்சம் கொஞ்சமாக ஒரு கால் முழுவதையும் தின்றுவிட்டான். உண்ட பின்புதான், ஜமீன் கேட்டால் என்ன செய்வது என்ற பயம் ஏற்பட்டது. சரி...சரி எப்படியாவது சமாளித்துக்கொள்ளலாம் என்று தெம்பாக இருந்தான்.

சாப்பாட்டு நேரம் வந்தது. ஜமீனும் சாப்பிட வந்து அமர்ந்தார். சமையல்காரன் சோறு போட்டு, கறிக்குழம்பை பறிமாறினான். சாப்பிட ஆரம்பித்த அவர், கொக்கின் ஒரு காலை எடுத்து ருசி பார்த்தார். மிகுந்த சுவையாக இருந்ததினால், அடுத்த காலையும் போடச் சொன்னார்.

திகைத்தான் சமையல்காரன். என்ன பேசுவது என்று ஒரு கணம் யோசித்தான். பிறகு மனதைத் திடப்படுத்திக்கொண்டு, " ஐயா.....கொக்குக்கு ஒரு கால்தானே இருக்கும். நீங்கள் பார்த்ததில்லையா?...எப்படி இல்லாத ஒரு காலைக் கொண்டு வரமுடியும்" என்றான்.

அப்போது சமையல்காரனுடன் வாதிட விரும்பாத ஜமீன் " சரி நாளைக்குக் காலையில் கொக்குக்கு ஒரு கால்தானா? இல்லை இரண்டு கால்களா என்பதைப் பார்த்துக்கொள்வோம்" என்று கூறிவிட்டு உணவை முடித்தார்.

மறுநாள் காலையில், வேலைக்காரனை அழைத்துக்கொண்டு வயல் வெளிப்பக்கமாகப் போனார் ஜமீன் . அங்கே குளக்கரைப்பக்கம் இருந்த ஒரு சிறு ஓடையில் கொக்குகள் நின்றிருந்தன.. சமையல்காரனிடம் கொக்குகளைக் காட்டிய ஜமீன் " இப்போது நன்றாகப் பார். கொக்குக்கு எத்தனை கால்கள்" என்று கேட்டார்.

"ஐய்யா நீங்களே நன்றாகப் பாருங்கள். எல்லாக் கொக்குகளும் ஒரு காலில்தானே நிற்கின்றன.

எனவே கொக்குக்கு ஒரு கால்தான்" என்றான் சமையல்காரன்.

"அப்படியா" என்று சிரித்த ஜமீன், சூ....என்று கூறி கொக்குகளை விரட்டினார். ஒரு காலில் நின்றிருந்த கொக்குகள் எல்லாம், இரண்டு கால்களையும் தரையில் ஊன்றி வானத்தில் எழும்பிப் பறந்தன.

சமையல்காரனை கேலிப் புண்ணகையுடன் பார்த்த ஜமீன் இப்போது என்ன சொல்கிறாய். கொக்குக்கு எத்தனை கால்கள். ஒரு காலா.....அல்லது இரண்டு கால்களா?" என்றார்.

ஜமீன் இப்படிக் கேட்டதும் ஒரு கணம் திகைத்த சமையல்காரன் தனது சாதுர்யமான பதிலைக் கூறியதும், ஜமினுக்கு சமையல்காரன் மேல் இருந்த கோபம் எல்லாம் பறந்துபோனது.

அவனது பதிலை ரசித்துச் சிரித்த ஜமீன், அவன் செய்த தவறை மன்னித்தார்.

நண்பர்களே...................நீங்கள் இப்போது கூறுங்கள்.

சமையல்காரன் அப்படி என்ன ரசிக்கும்படியான பதிலை கூறியிருப்பான்.?

விடை தெரிந்தவர்கள் உடனே பதிவு செய்யுங்கள் ...

தெரியாதவர்கள் கொஞ்சம் யோசித்து பதிவு செய்யுங்க ...

சரியான விடை நாளை காலை பதிவு செய்யப்படும்

by முரளிராஜா Sat Aug 29, 2015 11:05 am

நீங்கள் நின்று கொண்டிருந்த கொக்கை வேட்டையாடி இருப்பீர்கள் என்று சொல்லி இருப்பான் புன்முறுவல்

by ஸ்ரீராம் Sun Aug 30, 2015 9:41 am

புதிர் பதிவுக்கு நன்றி அண்ணா. முழுவதும் படித்தேன்.

"ஐய்யா நீங்களே நன்றாகப் பாருங்கள். எல்லாக் கொக்குகளும் ஒரு காலில்தானே நிற்கின்றன.

ஐய்யா நீங்கள் ஒற்றை காலில் நின்ற கொக்கின் காலை பார்த்து சுட்டதால் ஒரு கால் துண்டாக உடைந்து போய் இருக்கும். மற்றொரு காலைதான் நீங்க நேற்று இரவு சாப்பிட்டீர்கள். என்று சொல்லி இருப்பான்.

சரியா அண்ணா. ?

by ஸ்ரீராம் Sun Aug 30, 2015 11:38 am

2.

கரகாட்டக்காரன் வாழை பழம் காமடி போல அந்த கால்தான் இது என்று சமையல்காரர் சொல்லி இருப்பாரோ. போதை

by முழுமுதலோன் Sun Aug 30, 2015 12:17 pm

அருமை அருமை நன்றாக சிந்தனை செய்து பதிலை அளித்துள்ளிர்கள்

ஆனால் சமையல்காரன் சொன்ன சாதுரியமான பதில் இது வல்ல

இந்த புதிருக்கான பதில் இந்த புதிரிலயே உள்ளது ஸ்ரீராம் இன்னும் கொஞ்சம் முயற்சி செய்தால் கண்டு பிடித்து விடுவார் என எண்ணுகிறேன்
இது கொஞ்சம் வித்தியாசமான் பதில்
மீண்டும் ஒரு முறை மந்திரவாதி போல புதிரை படியுங்கள் உடனே விடை கிட்டும்

by ஸ்ரீராம் Sun Aug 30, 2015 12:24 pm

ஓ அப்படியா. சரி படிக்கிறேன் அண்ணா.

by முழுமுதலோன் Sun Aug 30, 2015 12:36 pm

உங்களின் பதிலை பார்த்த பின்னரே சரியான விடையை பதிவு செய்கிறேன் @ஸ்ரீராம் உங்களுக்கு ஒரு குளுவும் கொடுத்து உள்ளேன்

by ஸ்ரீராம் Sun Aug 30, 2015 1:09 pm

பலமாக யோசித்தும் கண்டுபிடிக்கவில்லையே அண்ணா
வெற்றி உங்களுக்குதான் போல...

by ஸ்ரீராம் Sun Aug 30, 2015 1:33 pm

யோசித்து யோசித்து தலை வலியே வந்துட்டு. நீங்களே விடையை சொல்லி விடுங்க அண்ணா.

உங்கள் அடுத்த புதிரில் தீவிரமா முயற்சி செய்கிறேன்.

by முழுமுதலோன் Sun Aug 30, 2015 4:01 pm

புதிர் விடை :

"ஐயா.....இப்போது நீங்கள் கொக்கைப் பார்த்து சூ........ என்றதும் ஒரு கால், இரண்டு கால்களாக மாறியதே?...அதேபோல நீங்கள் உணவருந்தும்போதும் சூ என்று கூறியிருந்தால் ஒருகால் இரண்டு கால்களாக மாறியிருக்கும்"என்று கூறி இருப்பான்

இது தான் அந்த புதிரின் சரியான விடை
போட்டியில் பங்கு கொண்ட அனைவருக்கும் முழுமுதலோனின் வாழ்த்துக்கள்

மீண்டும் அடுத்த போட்டியில் நாளை சந்திப்போம்

by முரளிராஜா Sun Aug 30, 2015 4:05 pm

by ஸ்ரீராம் Sun Aug 30, 2015 4:26 pm

"ஐயா.....இப்போது நீங்கள் கொக்கைப் பார்த்து சூ........ என்றதும் ஒரு கால், இரண்டு கால்களாக மாறியதே?...அதேபோல நீங்கள் உணவருந்தும்போதும் சூ என்று கூறியிருந்தால் ஒருகால் இரண்டு கால்களாக மாறியிருக்கும்"என்று கூறி இருப்பான்.

இத நான் யோசிக்க விட்டேனே நக்கல்

by Sponsored content

புதிர் போட்டி #38 சரியான பதிலை சொல்லுங்க !!பரிசினை வெல்லுங்க !!

புதிர் போட்டி #38 சரியான பதிலை சொல்லுங்க !!பரிசினை வெல்லுங்க !!

Re: புதிர் போட்டி #38 சரியான பதிலை சொல்லுங்க !!பரிசினை வெல்லுங்க !!

Re: புதிர் போட்டி #38 சரியான பதிலை சொல்லுங்க !!பரிசினை வெல்லுங்க !!

Re: புதிர் போட்டி #38 சரியான பதிலை சொல்லுங்க !!பரிசினை வெல்லுங்க !!

2.

Re: புதிர் போட்டி #38 சரியான பதிலை சொல்லுங்க !!பரிசினை வெல்லுங்க !!

Re: புதிர் போட்டி #38 சரியான பதிலை சொல்லுங்க !!பரிசினை வெல்லுங்க !!

Re: புதிர் போட்டி #38 சரியான பதிலை சொல்லுங்க !!பரிசினை வெல்லுங்க !!

Re: புதிர் போட்டி #38 சரியான பதிலை சொல்லுங்க !!பரிசினை வெல்லுங்க !!

Re: புதிர் போட்டி #38 சரியான பதிலை சொல்லுங்க !!பரிசினை வெல்லுங்க !!

Re: புதிர் போட்டி #38 சரியான பதிலை சொல்லுங்க !!பரிசினை வெல்லுங்க !!

Re: புதிர் போட்டி #38 சரியான பதிலை சொல்லுங்க !!பரிசினை வெல்லுங்க !!

Re: புதிர் போட்டி #38 சரியான பதிலை சொல்லுங்க !!பரிசினை வெல்லுங்க !!

Re: புதிர் போட்டி #38 சரியான பதிலை சொல்லுங்க !!பரிசினை வெல்லுங்க !!