புதிர் விளையாட்டு - மூளைக்கு வேலை கொடுங்க #21

First topic message reminder :

ஒரு நாட்டில் ஒரு புத்திசாலியான இளைஞன் இருந்தான், புத்திசாலிதனத்தால் அவன் புகழ் நாடு முழுவதும் பரவியது. இந்த விஷயம் அந்த நாட்டு அரசனுக்கும் தெரிய வந்தது. உடனே அந்த இளைஞனை அரசவைக்கு அழைத்து வரும்படி காவலர்களுக்கு மன்னன் உத்தரவு பிறபித்தார். காவலர்களும் உடனே சென்று அந்த இளைஞனை கையோடு அழைத்து வந்தார்கள். அரசவையில் அனைவருக்கும் முன்னிலையில் அவனை விசாரித்தார் அரசர், மேலும் அவனுக்கு சவாலான பிரச்சனையை முன் வைத்தார். அந்த புத்திசாலி இளைஞனும் அரசரின் சவாலை ஏற்றுக்கொண்டான்.

அரசர் சொன்ன சவால் இதுதான் “நாளை இரு காவலர்கள் உன்னை ஒரு அறையில் கொண்டு வந்து விடுவார்கள், அந்த அறையை விட்டு வெளியில் செல்ல இரண்டு வாசல்கள் இருக்கும், ஒன்றின் வழியாக வெளியே வந்தால் நேராக அரசவைக்கு செல்லெலாம், நாட்டின் அடுத்த அரசனாக பதவி ஏற்றுக்கொள்ளலாம். மற்றொரு வாசல் வழியே சென்றால் அந்த வாசல் சிறை சாலைக்கு செல்லும் பாதை, உடனே மரண தண்டனைதான். அந்த அறையின் வாசலில் இருபுறமும் தலா ஒரு காவலாளி காவலில் இருப்பான், ஒருவன் உண்மையை மட்டும்தான் சொல்வான், மற்றொருவன் பொய் மட்டும்தான் சொல்வான், யார் உண்மையை சொல்வார், யார் பொய் சொல்வார் என புத்திசாலியான உனக்கு தெரியாது. காவலர்களுக்கு அனைத்தும் தெரியும். காவலர்கள் இருவரிடம் யாராவது ஒருவரிடம் மட்டும் ஒரு கேள்வியை கேட்டு முடிந்தால் தப்பித்துக்கொள்” என்றார்.      



மறுநாள் அவன் கண்களை துணியால் நன்றாக கட்டி அந்த அறைக்கு தூக்கி செல்லப்பட்டான். அவனை ஒரு படுக்கையில் இட்டு விட்டு இரு காவலர்களும் அறையின் இரு வாசலுக்கும் சென்றார்கள். அந்த புத்திசாலி இளைஞன் கண்ணில் கட்டியிருந்த துணியை மெதுவாக எடுத்து விட்டு, அறையின் எதிர் எதிரே உள்ள  இரு வாசலில் உள்ள காவலர்களை ஒரு முறை பார்த்தவன், அவர்களின் ஒருவனிடம் மட்டும் ஒரு கேள்வியை மட்டும் கேட்டு அரசவைக்கு செல்லும் வாசலை சரியாக தேர்தெடுத்தான். மன்னரும் மகிழ்ச்சியுடன் அந்த புத்திசாலி இளைஞனை வரவேற்று அரசனாக முடி சூடினான்.



காவலனிடம் அவன் என்ன கேள்வி கேட்டு சரியான வழியை தேர்ந்தெடுத்து இருப்பான்.? கண்டிப்பா சவாலான புதிராக அமையும். உங்கள் மூளைக்கும் சரியான வேலை.  

உங்கள் விடையை எனக்கு தனிமடல் செய்யுங்கள் அல்லது admin@amarkkalam.net என்ற மின்னஞ்சல் முகவரிக்கு மின்னஞ்சலில் அனுப்பலாம்.

புதிர்: ஸ்ரீராம்

அமர்க்களம் முகநூல் பக்கத்தில் சுரேஷ் ரங்கசாமி சரியான பதிலை அளித்து வெற்றி கனியை பறித்து சென்றுள்ளார்.

சுரேஷ் ரங்கசாமியின் பதில்: ஒரு காவலனிடம் சென்று அடுத்த காவலாளியை அரசவைக்கு செல்ல வழி கேட்டிருந்தாள் எந்த வழியை காண்பிப்பான் என்று கேட்டு, விடைதரும் வழிக்கு எதிர்புறம் செல்லவேண்டியதுதான்.  

நேற்று இரவே சரியான பதில் அளித்த முகநூல் நண்பர் சுரேஷ் ரங்கசாமியை அமர்க்களம் தளம் பாராட்டுகிறது.

முயற்சி செய்த அனைவருக்கும் பாராட்டுக்களும் வாழ்த்துக்களும்

வெற்றி பெற்ற சுரேஷ் ரங்கசாமி அவர்களுக்கு மனமார்ந்த வாழ்த்துக்கள்

விடை சொல்லியாச்சா    

ரானுஜா wrote:விடை சொல்லியாச்சா    

சொல்லியாச்சு அக்கா

புதிர் எண். 22 விரைவில்....