ம. ரமேஷ் சென்ரியூக்கள்

First topic message reminder :

¦
அம்மா விளையாடப் போறேன்
என்ன விளையாட்டு?
போய்ப் படி

¦
உண்டி கொடுத்தோரே
உயிரை எடுத்தனர்
கல்லரை வாசகம்: ஈழத்தமிழர்

¦
காதலியைப் படைத்தவன்
கடவுள் என்றால்
கடவுள் எனக்கு மாமா உறவு

¦
படிடா … முடியாது!
எழுதுடா … முடியாது!
சார் நான் பாஸ் ஆயிட்டேன்

¦
வரிசையில் ஆண்கள்
திறக்கப்பட்டது
டாஸ்மாக்

ம. ரமேஷ் சென்ரியூக்கள்
¦
காரியம் கூட நடக்கவில்லை
அதற்குள் பிறந்த நாள் விழா
அரசியல்வாதிக்கு

¦
நடந்த தவற்றுக்கு
மன்னிப்பு கேட்டான்
நரகத்தில் கடவுள்

¦
கர்ப்பக்கிரகத்தில் பூசாரி
பல்லி கூச்சலிட்டது
கன்னத்தில் போட்டுக்கொண்டான்

¦
ஆச்சரியம்
வெட்கப்பட்டாள் நடிகை
தன் திருமணத்தில்

¦
முள்வேலி
நெருஞ்சியா? கருவேளமா?
இல்லை... மின்சாரம்

மூன்று வரி முத்துக்கள்

ம. ரமேஷ் சென்ரியூக்கள்
¦
இருபது வயது
குறைந்து விட்டது
எதிரே காதலி!

¦
பழித்தல்
பழிவாங்குதல்
சீரியல்கள்

¦
கட்சித் தீர்மானங்கள்
ஆயிரக்கணக்கில்
ஒன்றும் நிறைவேறவில்லை

¦
நடிகை சோப்பு போடுகிறாள்
ஒவ்வொரு விளம்பரத்திலும்
வேறு வேறு சோப்பு

¦
குழந்தையும் தெய்வமும் ஒன்று
குப்பைத்தொட்டி குழந்தைகள்
செங்கல், கருங்கல்.

எனக்கு உங்க கவிதைகளை படித்து இருபது வயது குறைஞ்சிடுச்சி
இப்ப எனக்கு வயது இரண்டு

முரளிராஜா wrote:எனக்கு உங்க கவிதைகளை படித்து இருபது வயது குறைஞ்சிடுச்சி
இப்ப எனக்கு வயது இரண்டு

இப்படிச் சொல்லி யாரு மடிமேலயாவதும் பஸ்சுல பொண்ணுங்க மடிமேலயும் உட்கார இடம் கேட்டுடாதீங்க...

முரளிராஜா wrote:எனக்கு உங்க கவிதைகளை படித்து இருபது வயது குறைஞ்சிடுச்சி
இப்ப எனக்கு வயது இரண்டு

எனக்கும்..

ம. ரமேஷ் சென்ரியூக்கள்
¦
கன்னித் தமிழ்
கற்பிழந்தது
ஆங்கிலக் கலப்பு

¦
விபச்சாரியை
நடு வீட்டில் வைத்தேன்
நாய் பழமொழிதான்

¦
'எங்க அம்மா
எத்தனப் பேருக்குக் காதலி'
நடிகையின் மகன்

¦
கனம் அதிகம்
கொஞ்சம் குறைத்து விட்டேன்
எடைக் கல்லின் எடையை

¦
அசதியில் மறந்து
உறங்கி விட்டேன்
படுக்கையறையில்

ம. ரமேஷ் சென்ரியூக்கள்

¦
தாயின் தாலாட்டு
இசையின் பின்னணியில்
ஒப்பாரி

¦
களங்கம் சுமக்கும்
கருவறைகள்
மூன்றாவதும் பெண்

¦
எச்சில் இலை எடுக்க…
தடுத்து நிறுத்தப்பட்டது
அவர்களுக்கும் ஒரு பந்தி

¦
மின் விளக்கிடம்
கற்றுக்கொண்டேன்
கண் சைகை

¦
தங்க நாற்கரச் சாலை
அப்புறப்படுத்தியது
மரங்களை வெட்டாதீர் பலகை

எச்சில் இலை எடுக்க

இதன் முழு பொருள் புரியவில்லை அண்ணா

எச்சில் இலை எடுக்க

இதன் முழு பொருள் புரியவில்லை அண்ணா

நான் பார்த்தவரை... திருமணம் - திருமண மண்டபத்தில் திருமணம் நடந்தால் பந்தியில் சாப்பிட்ட வாழையிலையை எதாவது ஒரு குப்பைத் தொட்டியில் கொட்டுவார்கள். குருவிக்காரர்கள் என்பவர்கள் சிலர் அந்த எச்சில் இலையில் இருக்கும் சாதத்ததை எடுத்து உணவாக உட்கொள்வார்கள்.

எனக்கு நண்பர்களின் திருணமனத்தில் ஒரு யோசனை தோன்றியது. எப்படியும் மீதியாகும் சாதத்ததை - பொருளை நாம் குப்பையில்தான் வீசப்போகிறோம் அதை ஏன் அவர்களுக்கு இறுதியாக - கடைசியாக உட்கார வைத்து நாமே பறிமாறக்கூடாது என்ற எண்ணம் தோன்றியது.

அன்றிலிருந்து அவர்களுக்கு - எங்கள் பகுதியில் ஒரு கூட்டம் இருக்கும் அவர்களிடம் நான் முன்னதாகவே திருமணம் இருக்கிறது இரவு அல்லது காலை கடைசிபந்திக்கு வந்துவிடுங்கள் என்று கூறிவிடுவோம். அவர்களும் வந்து உணவருந்தி மகிழ்வோடு செல்வார்கள்.

அதனால் தான் அந்த சென்ரியூ கிடைத்தது.

ம. ரமேஷ் சென்ரியுக்கள்
¦
இதழ்கள் புன்னகைக்கிறது
மனம் சுருங்குகிறது
உறவினர் வருகை

¦
நியாய விலைக்கடை
தெருக்கள் தோறும் விரிவு
டாஸ்மாக்

¦
சிறைச்சாலையைவிட
அதிக கொடுமை
அகதிகள் முகாம்

¦
காதல் திருமணம்
முதல் இரவு
கருத்து வேறுபாடு

¦
மௌனத்தால்
தோல்வி அடைந்தது
மௌனம் சம்மதம் குறியீடு

மகா பிரபு wrote:எச்சில் இலை எடுக்க

இதன் முழு பொருள் புரியவில்லை அண்ணா

விளங்கியதா?

ரசித்தேன் சுவைபட

ம. ரமேஷ் சென்ரியூக்கள்

¦
ராக்கெட் விட்டே
கிழியாத ஓசோன்
டயர் கொழுத்தியா கிழியும்?

¦
வாழ்க்கைக்குத்
தேவையாக இருக்கிறது
தோல்விகள்

¦
மின்தடை இரவுகள்
திருடர்களுக்கு எரிச்சல்
உறங்காத விழிகள்

¦
ஒரு வேளைகூட பட்டினி
அடுப்பெரிக்க சோம்பேறித்தனம்
விலையில்லா அரிசி திட்டம்

¦
வீதி நிறைய
பட்டாசு காகிதம்
சீனா தயாரிப்பு

ராக்கெட் விட்டே
கிழியாத ஓசோன்
டயர் கொழுத்தியா கிழியும்?

சமூகத்தின் நிலையை அழகாய் சொன்னன வரிகள்

¦
தவற்றுக்குப் போய்
கூனிக் குறுகாதே
அரசியல்வாதிகளைப் பார்

¦
பொங்கல் பொங்கியம்
கண்டுபிடிக்கப்பட்டது
மாப்பிள்ளையின் திசை

¦
கருப்பு கொச்சம்
தலைகுனிவுதான்
விற்றுத் தீர்க்கும் முகப்பூச்சுகள்

¦
பணம்
ஈவு இரக்கம் பாராது
கொலைத் தொழில்

¦
சரஸ்வதி கையில்
தங்க வீனைகள்
தனியார் கல்வி நிறுவனங்கள்

முற்றிலும் உண்மை..